543w
ཤེས་ཡོན་སློབ་གསོ།
(Hi No. 3451229)
༄༅།། །།རེ་འབོད་སྙིང་གི་ཐིག་ལེ། གོང་ས་སྐྱབས་མགོན་རིན་པོ་ཆེས་གཙོར་བྱས་པའི་བོད་རིགས་སྤུན་ཟླ་རྣམ་པ། བདག་ནི་ཁམས་ཁུལ་རྟའུ་རྫོང་གི་བོད་རིགས་གཞོན་ནུ་ཞིག་ཡིན་ལ། མཚན་ལ་སྐེད་རིའི་ཉི་མ་གྲགས་པ་ཟེར། དེ་ཡང་༿ཨ་བྲ་ཆུང་ཡང་གཟུགས་བཞི་ཚང༾་ཞེས་་པའི་དཔེ་ལྟར། ང་རང་ནི་ཤེས་རིག་ཡོན་ཏན་ལ་མངའ་བརྙེས་པའི་མཁས་དབང་ཆེན་མོ་ཞིག་མིན་ལ། སྟོབས་འབྱོར་ལྡན་པའི་གྲགས་ཅན་མི་སྨ་ཞིག་ཀྱང་གཏན་ནས་མིན་མོད༑ རང་གི་མི་རིགས་ལ་དགའ་ཞེན་ཚད་མེད་ཡོད་མཁན་ཞིག་ཡིན་ཏེ། ངས་རྟག་པར་ད་ལྟ་རང་གི་མི་རིགས་འདི་རྗེས་ལུས་ཡང་ལུས་ཀྱི་གནས་སུ་ལུས་ཡོད་ཚུལ་དང་། རང་ཅག་དབང་སྒྱུར་གྲལ་རིམ་གྱི་ཁ་འོག་ཏུ་ཐ་ན་་རང་གི་སྐད་ཡིག་ཀྱང་སྤྱོད་དབང་མེད་པ་སོགས་་་་འགྲོ་བ་མིའི་ཐོབ་ཐང་ངམ་ཆབ་སྲིད་ཀྱི་དབང་ཆ་ཅི་ཡང་མེད་པའི་གནས་ཚུལ་ལ་བརྟག་དཔྱད་ཡང་ཡང་བྱས་ལ། དུས་མཚུས་སུ་ཡང་རང་རིགས་ཀྱི་མེས་པོ་གོང་མ་་་རྣམས་ཀྱིས་སྲིད་དབང་བཟུང་ཚུལ་དང་རྒྱལ་ཁབ་་བསྐྱངས་ཚུལ་སོགས་མཚར་སྡུག་འོད་སྟོང་འབར་་་བའི་ལོ་རྒྱུས་མཐའ་དག་ཁོང་དུ་ཆུད་པར་བྱས་ཏེ་་་ལུས་སྲོག་དེ་འདོར་དགོས་ན་ཡང་མི་རིགས་རང་་་་ཉིད་དུ་ཆེད་དུ་འདོར་ངེས་པའི་བློ་ཐག་རྦད་དེ་་་་་་བཅད་པ་ཡིན། དེ་ལྟར་ངས་བཅོས་མིན་སྙིང་ནས་བོད་རིགས་མི་་་་་དམངས་ལ་རང་དབང་ཡག་པོ་ཞིག་འཐོབ་རྒྱུ་སྟེ། བོད་རང་གི་རྒྱལ་ཁབ་ཅིག་འཛུགས་རྒྱུ་བྱུང་ན་ཅི་མ་རུང་སྙམ་སྟེ་སྤྱི་ལོ ༢༠༠༠ལོའི་ཟླ་ ༡ ཚེས་ ༧ ཉིན་དང་། ༡༩༩༨ལོ་ཟླ་ ༤ ཚེས་ ༩ ། ༡༩༩༩ལོ་ཟླ་ ༡༡ ཚེས་ ༡༠། ༡༩༩༩ལོ་ཟླ་ ༡༡ཚེས་༡༢ ། ༡༩༩༩ ལོ་ཟླ་ ༡༡ ཚེས་ ༡༩ཉིན། ༡༩༩༩ལོ་ཟླ་ ༡༢ ཚེས་ ༦། ༡༩༩༩ལོ་ཟླ་ ༡༢ ཚེས་ ༡༩ཉིན་བཅས་ལ་རྒྱ་མི་ཚང་མ་རང་གནས་སུ་ལོག་སྟེ་བོད་རང་བཙན་བྱེད་དུ་འཇུག་དགོས་ཞེས་སྦྱར་་་་ཡིག་མང་པོ་བྲིས་ཏེ་རྫོང་ཐོག་གི་ཁང་སྣེ་དང་གྱང་་ངོས་སུ་སྦྱར་བ་མ་ཟད། སྦྱར་ཡིག་གི་མཇུག་ཏུ་འབྲི་མཁན་རང་གི་མིང་ཡང་གསལ་པོར་བྲིས་པ་ཡིན། ཡིན་ན་ཡང་བསོད་ཟད་ངས་དོན་ཅི་ཡང་མ་འགྲུབ་པར་ཚེ་སྲོག་དམར་པོ་དེ་གདུག་རྩུབ་ཆེ་བའི་རྒྱ་ནག་པོར་འཆོར་ལ་ཉེ་སྟེ། དེ་ཡང་ན་ནིང་སྤྱི་ཟླ་གསུམ་པའི་ཚེས་ཉེར་གཉིས་་་ཉིན་ཁོ་བོ་ལྷ་ས་རུ་བསྡད་ཡོད་ཚེ་རྟའུ་རྫོང་གི་སྤྱི་་་་བདེ་མི་སྣ་བཞི་ཐོན་ཏེ་དེ་མ་ཐག་ཏུ་འཇུ་བཟུང་སྤད་པ་དང་། དང་ཐོག་སྐད་ཆ་ཚིག་གཅིག་ཀྱང་མི་འདྲི་བར་ང་་་རང་རྔ་རྡུང་རྡུང་བྱས་ཏེ་ཁ་ཡང་གྲག་མི་ཐུབ་པ་ཞིག་བྱས་ལ། ཟས་ཁམ་གང་དང་ཆུ་ཐིགས་གཅིག་ཀྱང་མི་སྟེར་བར་གནམ་གྲུར་བཞག་སྟེ་ཁྲིན་ཏུར་ཁྲིད། ཁྲིན་ཏུར་ཐོན་རྗེས་ཡང་རྒྱ་ནག་པའི་ཉིན་རྟོག་པ་ཁ་ཤས་ལ་རྡུང་དུ་བཅུག བདུད་ནག་པོའི་སྐྱེ་བ་ཡིན་པའི་རྒྱ་ནག་པོ་ཚོས་ནི་་སྙིང་རྗེ་སྤུ་ཙམ་མེད་པའི་སྒོ་ནས་ང་རང་བརྡུང་སྟེ་འཆི་མ་གསོན་བྱས། སྐབས་དེར་ངའི་དྲན་པ་དབང་མེད་དུ་བརྒྱལ་སོང་བས་ཚུར་གསོན་པའི་ཚེ་མཚན་མོའི་ཆུ་ཚོད་བཅུ་་་་གཅིག་རེད་འདུག་ལ། ལུས་པོ་ཡོངས་རྫོགས་ན་ཞིང་གཟེར་ཏེ་འགུལ་སྐྱོད་བྱེད་མི་ཐུབ་པར་གྱུར་འདུག་པ་དང་། ལྷག་པར་དུ་རྐང་པ་ཆ་གཅིག་དེར་ཚོར་བ་གཏན་་་་ནས་མི་འདུག རྟའུར་ཐོན་ནས་ཉིན་བཅུའི་རྗེས་སུ་ཁོ་བོར་ང་བཟོད་འདྲི་རྩད་བྱས་བྱུང་། འོན་ཏེ་ཟུག་གཟེར་གྱི་སྡུག་བསྔལ་དྲག་པོ་འབའ་་་་ཞིག་མྱོང་བཞིན་ཡོད་པའི་བསོད་ཟད་ངས་སེམས་་གཏིང་གི་འཆར་སྒོ་ཚང་མ་ཇི་མ་ཇི་བཞིན་དུ་གསལ་བོར་བཤད་དེ་སྦྱར་ཡིག་བྲིས་ཚུལ་ཁས་བླངས་པ་ཡིན་དེར་བརྟེན་ན་ནིང་ཟླ་བ་བཅུ་པའི་ཚེས་ལྔ་ཉིན་། དཀར་མཛེས་བོད་རིགས་རང་སྐྱོང་ཁུལ་གྱིཁྲིམས་ཁང་གིས་ང་རང་བཙོན་ཁང་དུ་ལོ་དགུ་འདུག་དགོས་པའི་ཁྲིམས་ཐག་བཅད་ཡོད་་་འོན་ཏེ་ང་རང་ད་ལྟ་ནད་ཀྱིས་མནར་ཏེ་ཟས་ཁམ་གང་ཡང་ཟ་མི་ཐུབ་པར་གྱུར་ལ། རྐང་པ་ཆ་གཅིག་ཀྱང་རྒྱ་ནག་པོས་ཞུ་རུ་བཅུག་ཟིན་པས་ཡུན་རིང་མི་དགོས་པར་འཆི་ངེས་མོད། ཁོ་བོ་འཆི་རྒྱུར་མི་སྐྲག་ཐག་ཆོད་ཡིན། ད་ལྟ་ཚེ་སྲོག་གི་རྒྱུན་ཆད་རན་པའི་གདོང་དམར་པ་བདག་གིས་ཞང་པོ་ཇོ་བོ་སྐྱབས་ལ་བཤད་ནའང་འདྲ། བོད་རིགས་ཀྱི་ལ་རྒྱ་ཡོད་པའི་སྤུན་ཟླ་རྣམས་ལ་བཤད་ནའང་འདྲ༑ རེད་ང་ནི་གོང་ས་སྐྱབས་མགོན་རིན་པོ་ཆེ་བརྒྱུད་ནས་རྒྱ་ནག་པས་བདག་དང་བདག་ལྟ་བུའི་བོད་རིགས་མི་དམངས་ལ་གདུག་རྩུབ་ཆེ་བའི་ཁྲིམས་ཆད་གཅད་རྒྱུ་སོགས་བརྙས་བཅོས་བྱེད་བཞིན་ཡོད་པའི་གནས་ཚུལ་མཐའ་དག་རྒྱལ་སྤྱིའི་ཐོག་ཏུ་ཁྱབ་བསྒྲགས་བྱེད་རོགས་ཞེས་ཞུའོ༎
གཞན་ཡང་ཤ་རུས་གཅིག་པའི་བོད་རིགས་ སྤུན་ཟླ་རྣམ་པ། རྒྱ་ནག་གི་ང་ཚོར་དངོས་གནས་བརྙས་བཅོས་ཚབས་ཆེན་ཁྲིམས་མེད་ལུགས་མེད་བྱེད་བཞིན་ཡོད་པ་འདི་ཚང་མས་ཤེས་དགོས། ང་ཚོས་ཅིས་ཀྱང་རྡོག་རྩ་གཅིག་སྒྲིལ་བྱས་ཏེ་རྒྱ་ནག་ལ་ངོ་རྒོལ་བྱེད་དགོས།། །། བོད་རྒྱལ་ལོ-------
སྐེད་རི་ཉི་མ་གྲགས་པ་ནས། སྤྱི་ལོ༢༠༡༡ཟླ་བ༤པའི་ཚེས༡ཉིན།
