577w
نۇرلۇق قەلىب
(Hi No. 3272915)
"جىنايەت"ئۇيغۇر تۇرۇپ ئانا تىلدا سۆزلىشىڭمۇ جىنايەت،
ئەركىنلىكنى ھۆرلۈكنى كۆزلىشىڭمۇ جىنايەت،
ساقال رومال ،ھەم دوپپا كىيىشڭمۇ جىنايەت،
ساغلام ئىتقاد دىنىڭنى قوغدىشىڭمۇ جىنايەت،
ئۇرۇق-تۇققان يارەننى يوخلىشىڭمۇ جىنايەت.
ئانا تىلدا سۆزلىشىپ قىينالغاندۇق بىر زامان،
قوش تىلمىز بار بولدى، گەپلىرمىز بەك"راۋان",
قىلسا گەپنى خەنلەرچە"لى خەي"دەيدۇ ئۇ"يامان"
ئاتا-بالا ئوتتۇرسىدا،كىم بۇلاركىن تەرجىمان
خەن تىلنى كەمسىتىش،ئۈگەنمەسلىك جىنايەت.
ئۇيغۇر تۇرۇپ ئۇيغۇرچە،سالاملىشىپ نىمە كەپتۇ،
"ئەسسالامۇ ئەلەيكۇم",«نى خاۋ»لارغا يەتمەيدۇ،
"ﻣﯩﻦ كاۋ خەن"غۇ بولدىغۇ،ئۇنىڭغا گەپ كەتمەيدۇ،
ئانا تىلىم "ئۇيغۇر "دەپ مەكتەپلەردە يىغلايدۇ....
ئۇيغۇر تۇرۇپ ئانا تىلدا،سۆز قىلىشمۇ جىنايەت.
خاس ھاجىپ مەھمۇدقا،ساقال سۇمبات ياراشقان
تىرورچى دىمگەن دۇنيادا،نەچچە دۆلەت تالاشقان،
كۇڭزنى چەتكە قاقمايدۇ،ئالمىمىز دەپ ماختاشقان،
ئەجدادىمىز ئەزەلدىن ،ساقال بىلەن قاملاشقان،
بىزگە ساقال چىقمايدۇ،سىنىڭ قۇيشىڭ جىنايەت.
رومال ئاتسا ئانمىز ،كومپارتىيەگە ئېغىر كەپتۇدەك،
تىرورچىلار دەپ تىللىشىپ،ھىجابىنى يىرتىپ ئاتقۇدەك،
چىققىن بىزدەك باغچىغا،چاڭچىلە ئوينا دەلتىدەك،
ھايۋان بىزنىڭ ئەجدادىمىز،سەنمۇ بولغىن دەپتىدەك،
ئىمان ئەخلاقلىق،ياشىشىڭ،بۇمۇ ئېغىر جىنايەت.
كومپارتىيە بەك ياخشى ،بىزنى قوغداپ ئۆلگىچە
ئىلگىرى ئۆيدە ئىت بىقىپ،قىينالغانتۇق كۆنگىچە،
ئىگسگە سادىق بۇ ئىتلار،بېقىپ تۇرار ئۆيگۈچە،
ئاش بەرمىسەكمۇ كەتمەيدۇ،كىيىملىرى ئۆزگىچە،
بۇ ئىتلارنى باقماسلىق،ياكى ھەيدەش جىنايەت.
تەربىيلەپ بەردى ئاخۇننى،قانۇن سىياسەت ئۇنتۇلماس
ئىمام بولمىسا مەسچىتتە،شۇ كۈن ناماز ئۇقۇلماس،
خېتى بولمىسا بىر جۈپنىڭ،قەتتى نىكاھ قۇشۇلماس،
پەتىۋا پىشمىسا ئاخۇنۇم،«تىرورچى»بۇلۇپ تۇنۇلماس،
شەرىئەتكە ئامال بار،«قانۇننى »بۇزۇش جىنايەت.
بەكمۇ ياخشى سىياسەت،گازنى غەرىپكە يەتكۈزۈش،
يۆتكەپ دەرھال ئىچكىرگە،بايلىقنى قېزىپ تەكشۈرۈش،
ئىسىل ئۆينى چېقۋېتىپ،«ئەمىن»ئۆينى تەككۈزۈش،
ماقۇل بولمىسا بۇيرۇققا،دۇكاننى پىچەتلەپ ئەتكۈزۈش،
ئەجەپ ياخشى بۇقانۇن،قارشى چىقىش جىنايەت.
ئىجرا قىلدۇ قانۇننى،ھەرگىز بىپەرۋالىق قىلمايدۇ،
ئۈتەپ كەتسەڭ چىراقتىن،گۈشىيىپ قاراپ تۇرمايدۇ،
ئىككى پاي ئوقتا ئېتىپ قۇيدۇ،تىللاپ ياكى ئۇرمايدۇ،
«ئاتامسەن؟»دىسەڭ مۇشنىڭغا،نەگە بارساڭ سورىمايدۇ،
!قاراپ ماڭغىن چىراققا ،ئېتلىپ كىتسەن جىنايەت.
ئابدۇلھەكىم تۈركىستانى.
پەقەتلام كۇپرى كۆزقارشىدا جىنايەت
577w