545w
སྤེན་པ།
(Hi No. 3445972)
༼༼ལྷ་མོ་དབྱངས་ཅན་མའི་བསྟོད་པ།༽༽ ༄༅།།ཨོཾ་བདེ་ལེགས་སུ་གྱུར་ཅིག།ཆུ་འཛིན་དཀར་པོའི་གློག་ཕྲེང་དྲ་བ་ཅན།།
མཁའ་ཡི་མཛེས་བྱེད་འདྲ་བའི་ཡིད་འཕྲོག་མ།།
དྲི་ཟའི་ན་ཆུང་དབུས་ན་འཇོ་སྒེག་མཁན།།
རིང་ནས་བརྩེ་བའི་ལྷ་མོ་ད་ཚུར་བྱོན།།
པདྨའི་བཞིན་ལ་གཡོ་ལྡན་བུང་བའི་མིག།
མཐོན་མཐིང་རལ་བའི་རྩེ་ན་འོད་དཀར་ཅན།།
རོལ་སྒེག་གར་གྱིས་འགྱིང་བའི་དབྱངས་ཅན་མ།།ད་དུང་བདག་ལ་ངག་གི་དབང་ཕྱུག་སྩོལ།།
རོལ་རྩེད་གར་གྱི་ཉམས་ལྡན་རི་དྭགས་མིག།
མིག་གིས་ལྟ་བས་མི་ངོམས་ཡིད་འཕྲོག་མ།།
མ་ལྟར་བརྩེ་བ་ཁྱོད་ཀྱིས་བདག་གི་ངག།
ངག་དབང་ལྷ་མོ་ཉིད་དང་མཚུངས་པར་མཛོད།།སྟོན་ཟླ་རྒྱས་པའི་དཔལ་ལས་ལྷག་པར་མཛེས།།ཚངས་དབྱངས་སྙན་པའི་གདངས་ཀྱང་ཟིལ་གྱིས་གནོན།།
ཟབ་དབྱངས་རྒྱ་མཚོའི་འཇིངས་ལྟར་དཔག་དཀའ་བ།།
དབྱངས་ཅན་ལྷ་མོའི་སྐུ་གསུང་ཐུགས་ལ་འདུད།། ཅེས་པ་འདི་ནི་རྗེ་བདག་ཉིད་ཆེན་པས་མཛད་པའོ།།ཐུགས་བརྩེ་བས་རྗེས་སུ་འཛིན་རོགས།ཾ
