547w
يولۇچى
(Hi No. 2261063)
«يىراق تۇرۇپ شۈبھىدىن نەپسىمىزنى پاكلايلى»ئەبۇ غازى
كەلگىن دوستۇم بىرلىكتە ئاخىرەتنى ئويلايلى،
ھارام نېمە ؟ھالالچۇ؟بىز بۇلارنى ئايرايلى.
تەرىك ئېتىپ ھارامنى ھالال رىزىق بولايلى،
بىزگە رىزىق بەرگۈچى ئاللاھىمدىن قورقايلى.
يىراق تۇرۇپ شۈبھىدىن نەپسىمىزنى پاكلايلى.
يىمەك ئىچمەك ھەر يەردە مەۋجۇتلۇقنىڭ مەنبەسى،
نەپسى دېگەن بالادۇر يوقتۇر ئۇنىڭ مەۋقەسى.
ھەر بىر يىگەن لوقمىنىڭ ئېلىنىدۇ قىساسى،
ھالالىغا ھېساپ بار ھارامىنىڭ جازاسى.
يىراق تۇرۇپ شۈبھىدىن نەپسىمىزنى پاكلايلى.
قۇرئاندىمۇ بايان بار يىراق تۇرلى ھارامدىن،
ھارام نى ۋە ھالالنى كۆرىۋاللى قۇرئاندىن.
دائىم ھەزەر ئەيلەيلى دەۋزەخ دېگەن ماكاندىن،
بۇيرۇلغاننى قىلايلى توسۇلايلى ياماندىن .
يىراق تۇرۇپ شۈبھىدىن نەپسىمىزنى پاكلايلى.
شۈبھى ئۆزى ھارامغا مۇقەددىمە سانىلار،
بىزگە ھارام ئاشۇنداق كىچىكىدىن باشلىنار.
ئۇنىڭ شۇنداق تۈرى كۆپ بىر نەچچىگە ئايرىلار،
مۇتتەقىيلەر دائىما ھەر بىرىدىن ساقلىنار.
يىراق تۇرۇپ شۈبھىدىن نەپسىمىزنى پاكلايلى
ھازىر باردۇر ھەر يەردە شۈبھىلەنگەن يىمەكلىك،
شۈبھى بولسا يىراق تۇر بىز ئەزەلدىن دىمەكلىك.
يىيىش بولسۇن گىياھنى ياكى يۇتۇم ئىچمەكلىك،
ئۆزىمىزنى ئويلايلى ھاياتىمىز قىممەتلىك.
يىراق تۇرۇپ شۈبھىدىن نەپسىمىزنى پاكلايلى.
نەپسىمىزنى پاك قىلىپ رەب ئالدىغا بارايلى،
تۇترۇقىدىن دەۋزەخنىڭ جىسمىمىزنى ساقلايلى.
رىزقىمىز گە ھەردائىم بىزلەر شۈكۈر قىلايلى،
نىئمەت بەرگەن ئاللاھقا كۆپلەپ تەسبىھ ئېيتايلى.
يىراق تۇرۇپ شۈبھىدىن نەپسىمىزنى پاكلايلى.
UMUTWAR KARWAN :
543w
