بىر ئالىم ئوقۇغۇچىسىدىن سىنىڭ ماڭا ھەمراھ بولغىنىڭغا قانچىلىك بولدى؟ دەپ سورايد...

1'22"

558w

نمر الله (Hi No. 3191149)

بىر ئالىم ئوقۇغۇچىسىدىن سىنىڭ ماڭا ھەمراھ بولغىنىڭغا قانچىلىك بولدى؟ دەپ سورايدۇ. ئوقۇغۇچى؛ 33 يىل بولدى دەپ جاۋاپ بېرىدۇ. ئالىم مۇشۇ ئۇزۇن مەزگىل ئىچىدە مەندىن نېمىلەرنى ئۆگەندىڭ؟ ئوقۇغۇچى؛ سەككىز تۈرلۈك مەسىلە دەپ جاۋاپ بەردى. ئالىم؛ « إنا لله وإنا إليه راجعون » بىز ھەقىقەتەن ئاللاھنىڭ مۈلكىدۇرمىز ئاللاھنىڭ تەرىپىگە قايتقۇچىدۇرمىز. مىنىڭ پۈتۈن ھاياتىم سەن بىلەن ئۆتتى سەن پەقەت سەككىز مەسىلە ئۆگەندىم دەيسىنا قېنى دەپ باقە نىمىلەرنى ئۆگەندىڭ ئاڭلاپ باقاي. ئوقۇغۇچى؛ بىرىنچىدىن: مەن كىشىلەرنىڭ ھەرخىل نەرسىلەرنى ياخشى كۆرىدىغانلىقىنى، ئەمما قەبرىگە كىرگەندىن كىيىن ئۇلارنىڭ شۇ ياخشى كۆرگەن نەرسىلىرى ئايرىلىپ كەتكەنلىكىنى كۆرۈپ، ئۆلۈپ كەتكەندىن كىيىنمۇ مەندىن ئايرىلمايدىغان ياخشى ئەمەللەرنى ئۆزۈمگە دوست قىلىپ تاللىدىم. ئىككىنچىدىن: مەن ئاللاھ تەئالانىڭ: «'وأما من خاف مقام ربه ونهي النفس عن الهوي فإن الجنة هي المأوى » (رەببىنىڭ ئالدىدا سوراققا تارتىلىشتىن قورقىدىغان، ئۆزىنى نەپسى خاھىشىغا بېرىلىشتىن چەكلگەن ئادەمگە كەلسەك، ھەقىقەتەن ئۇنىڭ جايى جەننەت بولىدۇ.) دېگەن ئايەتكە قارىدىم. شۇنىڭ بىلەن نەپسىم خاھىشىدىن يېنىپ ئاللاھنىڭ تائىتىگە قاراپ يۈزلەنگەنگە قەدەر بار كۈچۈم بىلەن تىرىشتىم. ئۈچىنچىدىن: مەن كىشىلەرنىڭ قىممەتلىك نەرسىلىرىنى يوقۇلۇپ كېتىشىدىن ئەنسىرەپ بەك چىڭ ساقلىغانلىقىنى كۆردۈم. ئاندىن ئاللاھ تەئالانىڭ كالامىدىكى: « ما عندكم ينفذ وما عند الله باق'» ئى ئىنسانلار سىلەرنىڭ ئىلكىڭدىلى نەرسىلەر تۈگەيدۇ، ئاللاھنىڭ دەرگاھىدىكى نەرسىلەر تۈگىمەيدۇ.) دېگەن ئايەتكە قاراپ، قىممەتلىك بىر نەرسە قولۇمغا چۈشكەن ھامان ئۇنى ئاللاھ تەئالانىڭ ساقلاپ بىرىشى ئۈچۈن تاپشۇردۇم. تۆتىنچىدىن: ئىنسانلارغا قاراپ باقتىم ئۇلارنىڭ مال، يۈز ئابروي، نەسەب قاتارلىق نەرسىلەر بىلەن پەخىر قىلىشىۋاتقانلىقىنى كۆردۈم. ئاندىن ئاللاھ تەئالانىڭ. («إن أكرمكم عند الله أتقاكم » ھەقىقەتەن ئەڭ تەقۋادار بولغانلىرىڭلار ئاللاھنىڭ دەرگاھىدا ئەڭ ھۆرمەتلىك ھېساپلىنىسىلەر،) دېگەن ئايىتىگە قاراپ، ئاللاھنىڭ دەرگاھىدا ھۆرمەتلىك بولۇش ئۈچۈن تىرىشتىم. بەشىنچىدىن: ئىنسانلارنىڭ ھەسەت تۈپەيلىدىن بىر- بىرىگە تۆھمەت قىلىشىۋاتقانلىقى ئۆز ئارا لەنەت قىلىشىۋاتقانلىقلىرىنى كۆردۈم، ئاندىن ئاللاھ تەئالانىڭ بۇ سۆزىگە قارىدىم: («نحن قسمنا بينهم معيشتهم في الحياة الدنيا »بىز ئۇلارنىڭ ھاياتى دۇنيادىكى رىزقىنى ئۇلارنىڭ ئارىسىدا تەقسىم قىلدۇق.) شۇنىڭ بىلەن مەن ھەسەت قىلىشنى تەرك ئەتتىم كىشىلەردىن يىراق تۇردۇم. بىلدىمكى بەندىگە بىرىلگەن تەقسىمات ئاللاھنىڭ ھۇزۇرىدىن ئىكەن. شۇنىڭ بىلەن مەن ئۆزۈمدىن ھەسەتنى تەرك ئەتتىم. ئالتىنچىسى: مەن ئىنسانلارنىڭ بىر-بىرىنى دۈشمەن تۇتىۋاتقانلىقى، بىر-بىرىگە تاجاۋۇز قىلىشىۋاتقانلىقىغا ئۆز ئارا قان تۆكىشىۋانقانلىقىغا قاراپ، ئاللاھ تەئالانىڭ: («إن الشيطان لكم عدو فاتخذوه عدوا »ھەقىقەتەن شەيتان سىلەر ئۈچۈن دۈشمەن، سىلەرمۇ ئۇنى دۈشمەن تۇتۇڭلا) دېگەن ئايىتىگە قاراپ، ئىنساننى دۈشمەن تۇتۇشنى تاشلاپ پۈتۈن دۈشمەنلىكىمنى لەنىتى شەيتانغىلا قاراتتىم. يەتتىنچىدىن: مەن ھەممە كىشىلەرنىڭ زىرىق ئۈچۈن بارلىق تىرىشچانلىقىنى چىقىرۋاتقانلىقىغا قاراپ، ئاللاھ تەئالانىڭ: («وما من دابة في الأرض إلا علي الله رزقها' » يەر يۈزىدىكى بارلىق جانلىقلارغا رىزىق بېرىشنى ئاللاھ ئۈستىگە ئالغان،) دېگەن سۆزىگە قارىدىمدە، مىنىڭ ئۆزۈمنىڭ ئاشۇ جانلىقلار ئىچىدىكى بىرسى ئىكەنلىكىنى تۇنۇپ يەتتىم. ئاندىن ئاللاھ ماڭا بۇيرىغان ئىش تەرەپكە يۈزلىنىپ رىزقىمنى ئاللاھقا تاپشۇردۇم. سەككىزىنچىدىن: مەن ئادەملەرنىڭ ئۆزىگە ئوخشاش مەخلۇقلارغا تەۋەككۇل قىلغانلىقىنى، بەزىلىرىنىڭ مېلىغا، بەزىلىرىنىڭ دېھقانچىلىقىغا، بەزىلىرىنىڭ تېنىنىڭ ساقلىقىغا، بەزىلىرىنىڭ مەرتىۋىسىگە تەۋەككۇل قىلىۋاتقانلىقىغا قاراپ، ئاللاھ تەئالانىڭ: («ومن يتوكل علي الله فهو حسبه'» كىمكى ئاللاھقا تەۋەككۇل قىلسا، ئاللاھ ئۇنىڭغا كۇپايە قىلىدۇ) دېگەن ئايىتىگە قاراپ، مەخلۇققا تەۋەككۇل قىلىشنى تەرك ئىتىپ پەقەت ئاللاھقىلا تەۋەككۇل قىلدىم. ئوقۇغۇچى بۇ جاۋاپلارنى بەرگەن ۋاقىتتا ئالىم؛ ئاللاھ ساڭا بەركەت بەرسۇن! دەپ دۇئا قىلدى. ئاللاھ ھەممىمىزنى بۇنى ئوقۇپ ئەمەل قىلىدىغانلار قاتارىدىن قىلسۇن! قېرىندىشىم بىر مىنۇت ۋاقىت چىقىرىپ بۇ ۋەقەلىكنى تارقىتىشقا بىر كىشىلىك ھەسسىڭىزنى قوشۇپ قويۇڭ. ئاللاھ ھەممىمىزگە رەھمەت قىلسۇن! «ئەنمر الله»

1 like477 plays