1"
627w
♕الشاعر ☬ الحزيےن♕
(Hi No. 2841938)
كلشي ماسوي اذا سويتي شيامنيتي اكدر بس اعرف ابروحي
ماكو سر واحجي لوكلتيلي بوح
وانتي سر وماكلتلج بوحي
جاي اغض انضاري عنج وابقه اشوف
وكمت اغض الاه عن اجروحي
وااه ياروحي احاجيهه وراج
هذه ذنبج ابقي الطمي ونوحي
ارد اطردج وبكلب مهزوز اجيج
اشكد اصيح ومااكلج روحي
واطفه يمج وانتبه شخصيتي وين
وابقه ابرر موقفج والغيهه
وحيل اصر ابسالفه واحلف تصير
ابوجهج اصرخ لازم اسويهه
ودمعه منج ينكلب موضوعي وين
وابقه اسوي اشلون ماترديهه
اشكد سبع ع الناس بس يمج ضعيف
الكرامه وياج مدري اشبيهه
ابراسي تكعد سالفه امسويتهه يوم
ابروحي تاكل واني اكل بيهه
واني املك ذاكره اتشيل الهجيل
ليش كل اسوالفج ناسيهه
اني كبلج كلشي يمشي ابمشتهاي
والتعجبج ع الهوه امتجيهه
والله مامتوسل ابوحده حرام
اقوه وحده احجايتي اتبجيهه
والله ماسامح جنت لو شي بسيط
ابنيه عود اتمسني ماخليهه
هسه مدري اشصار شو صاير ذليل
وادري ذله ومااريد انهيهه
كوه اجر الروح يم هاي وهذيج.
اتريد يمج وين ماوديهه
الله مايقبل اعيش ابهيج حال
خافي الله وصيري متقبليهه
.
للشاعر يوسف
ابو عسل الشمري
