قىزىم ئۇزاق-ئۇزاق بولدى يىراق-يىراق كەتتى،
ئانا باغرىن يېرىپ چىققان يۈرەك پارەم جىگىرىم كەتتى.
ئانانىسى ھەر ئىبادەتتە ئىگەمدىن مىڭ تىلەپ تۇغقان،
ئارزۇلۇغۇم، تۇتىيايىم، تەۋەرۈك قىزىم كەتتى.
دادا دەپ كۆيۈپ تۇرغان، ئانا دەپ ئۆلۈپ تۇرغان،
... ئۆيۈمنى ئۆي قىلىپ قۇرغان ئۆيۈمنىڭ زەنجىرى كەتتى.
بوينۇمدا قاقاھلاپ ئويناپ، كەينىمدىن سۇ چېچىپ قوغلاپ،
قېشىمدىن بىردەم كەتمىگەن ئۆيۈمنىڭ ئەركىسى كەتتى.
توغرا دەپتىكەن چوڭلار << قىز بالا - سالغا تېشى>>،
نىكانى غايىپ دېسەم، ئۆيۈمنىڭ بەركىتى كەتتى.
گۈل تېرىدىم ئېتىزلاپ، قىز چوڭ قىلدىم ئېزىزلاپ،
گۈلنى مەن پۇرار چاغدا، ھويلامدىن گۈلبېغىم كەتتى.
ئۆزى ۋە سۆزى چەبەر، ھەر ئىشتا قولى چىۋەر،
ئاتا-ئانىغا ھەقىقى كۆيەر، ئەمگەك سۆيەر قىزىم كەتتى.
گاھ كۈلۈپ، گاھدا يىغلاپ، ئەللەي ناخشىدا ئۇخلاپ،
نىمجاننى، تاڭنى ئۇيغاتقان ناۋاسى مۇڭ قۇرغۇيۇم كەتتى.
دادا دەپ تىلى چىققان، ئالقاندا خۇيى چىققان،
باھارنىڭ ۋەسلىنى بەرگەن ئۆيۈمنىڭ قالغىچى كەتتى.
ئاغزىمدا نان بېرىپ باققان، سەھەردە دان بېرىپ باققان،
ناشتىلىق ئىشتەي ئۈچۈن سايرايدىغان بۇلبۇلۇم كەتتى.
بېشىغا بىرنى چەكمەي، ئالقاندا ئوينۇتۇپ باقسام،
قولۇمدىن پۇر قىلىپ ئۇچتى موللاقچى كەپتىرىم كەتتى.
قىزى بارلار بىلىدۇ، قىزى يوقلار كۈلىدۇ،
قىز چىقارماق پەرز دېسەم ئۆيۈمنىڭ پەرۋانىسى كەتتى.
يايلىغىم بار دەپتىمەن، بايلىغىم بار دەپتىمەن،
يايلاقنى يايلار چېغىمدا قاراڭ ئەمدى تايلىغىم كەتتى.
قىزىم كەتتى مېنى تاشلاپ، مەن قالدىم كۆزۈم ياشلاپ،
ئانا-بالا كۆيىكى قانماي كۆزۈمنىڭ قارچۇغى كەتتى.
قىزىم سۆزى ئاقارمۇ؟ ئەركە خۇيى ئاقارمۇ؟
مەڭگۈ بەخت تاپارمۇ؟ ئىشەنچ بىرلە قىزىم كەتتى.
بەرمەي باقسام ئانامغا، بەدىم بۈگۈن ئاللاھقا
ئەزىز قىلسۇن قىزىمنى ئالتۇندەك قىزىم كەتتى.
چۆلدەرىدى ئاشخانە، ئۆيۈم بولدى غەمخانە،
دۇنيالىغىم بىر دانە، دۇردانەم قىزىم كەتتى... See More