565w
Karwan
(Hi No. 1364090)
ھايات ھېسلىرىھايات ھېسلىرى
بىلەي دەپ مەن ھېرىسلىكتە،بەختنىڭ سىرى_ھىكمەتنى،
تەپەككۇرئەيلىدىم باشتىن،تالاي پىكرى_ سۆھبەتنى.
ئېچىپ ئاللاھ ئەقىل كۆزنى،كۆردۈم جاۋابى_قىممەتنى،
تىلىم كەلدى شاھادەتكە،جاۋاپ ئەتتىم ئۇشبۇ نىئمەتنى.
ھەق زاتىم ئاتا قىلدى،گۈزەل رۇخسار سالاپەتنى،
ئىمتاھان قىلماق ئۈچۈن،خوپ كۆردى مالامەتنى.
قىلىپ سەۋرھەم تاقەت،يەڭگەنلەر تالاپەتنى،
تاپتى باقىي ھەم پانىي،ئىككى دۇنيا سائادەتنى.
بەزىلەرھالقىدى ئاشتى،تاغۇ_تاش باياۋاندىن،
چىداپ رىشتىگە پەرزەنت،كېچىپ قەسرى_ئايۋاندىن.
بولۇپ ئاللاھقا چىن ئاشىق،ئېيتتى ئىماننى ۋىجداندىن،
ئۆگەندى ھەقنى يەتكۈزدى،ئۇلۇغ بىلدى ئەلگە خىزمەتنى.
بەزىلەرتۇردى تەڭ تۈندە،تەھەججۈت، نەپلە ئىبادەتكە،
بولۇپ جەننەتكە چىن مۇشتاق،ھۇشيار تۇردى جان ئامانەتكە،
سەرپ ئەتتى بارچە مالىنى،خەير_ئىھسان ساخاۋەتكە،
ئىچەي دەپ تاڭلا قىيامەتتە،ئالتۇن جاملاردا شەربەتنى.
بەزىلەرئۆزىنى پاك تۇتتى،جان دەپ بىلدى ئىپپەتنى،
شېھىتلەربابىدا قالدى،تاپتى ھاياتى قىممەتنى.
قالدۇردى ئەھلى پەرزەنتكە،ئاجايىپ روھى خىسلەتنى،
راۋا كۆردى قىيامەتتە ،بۈيۈك ماقام شاپائەتنى.
بەزىلەرھەددىدىن ئاشتى،يوقاتتى غۇرۇر_ ۋىجدانى،
تەرك ئەتتى ئىبادەتنى،ئۇستاز تۇتتى شەيتاننى.
يامانغا يان تاياق بولدى،سېتىپ خەجلىدى ئىماننى،
قىسقىسى توپلىدى ئۆزىگە،جەھەننەملىك خىراجەتنى.
بەزىلەر تۇزيەپ چوڭ بولدى،ئۇنۇتتى تۇزدىكى خىسلەتنى،
بولۇپ تۇزكورقاۋان ئەلگە،ئەپكەلدى جىمى كۈلپەتنى .
ھاياتى ئۆتتى غەپلەتتە،تەرك ئەتمەي مەئىشەتنى،
تەۋبىگە ئەسلا خاھىش يوق،غەنىمەت بىلمىدى پۇرسەتنى.
بەزىلەر يىغدى پۇل _مالنى،قېتىپ راستقا يالغاننى،
كەمبەغەلنى قاقشاتتى،راۋا كۆردى پار_ خىيانەتنى.
غاپىل بولدى دۇنيادىن،قىلدى كۆپ جىنايەتنى،
چىقاردى ئەستىن ئەيھەييات،دەھشەتلىك قىيامەتنى.
خۇلاسە ئاي بۇرۇن قانداق،بۈگۈن كۈندە ھەم شۇنداق،
ئىزنىسىز جانابى ھەق زاتنىڭ،تۆكۈلمەس كەترەندىن بىر ياپراق.
شەيتاننىڭ ئەل بولمىقىدىن،نارنىڭ تۇغمىقى خوپراق،
تىلەيلى بارچە ئۈممەتكە ،ئۇلۇغ ئاللاھتىن ھىدايەتنى.
عبيدالله :
2"
550w