ئەقىدە ئۈچۈن ياپتىڭىز رومال,
قىلغان ۋەجىدىن ئۆلۈمنى خىيال,
ھالا بۇ كۈندە باشقىچە بىر ھال,
قىلىنىپ قامال, مۇئمىنە ئايال.

... ھەممە تەرەپتە سىزنىڭ گېپىڭىز,
ھەممىدىن يامان سىزنىڭ ئېتىڭىز,
ھەق يولدا تۇرۇپ سىزنىڭ سېپىڭىز,
بولدىڭىز ئوسال, مۇئمىنە ئايال.

قالىسىز پات_پات ئۇرۇپ_سولىنىپ,
تالاي پۇلىڭىز كەتتى بۇلىنىپ,
كەلسە زۇلۇمغا زۇلۇم ئۇلىنىپ,
سىز يەنە خوشال, مۇئمىنە ئايال.

خالىغىنىچە قىلسا ھاقارەت,
گاھىدا ھىلە, گاھى سىياسەت.
يېلىنمىدىڭىز ئۇلارغا پەقەت,
دىگەن يوق ئۇۋال. مۇئمىنە ئايال.

ياش تۆكمىدىڭىز ھەقتىن بۆلەككە,
تايانمىدىڭىز باتىل يۆلەككە,
بوي بەرمىدىڭىز شەيتانغا چەككە,
دىدىڭىز يوقال! مۇئمىنە ئايال.

دەئۋەتچى بولۇپ جاسارەت بىلەن,
ئۆتتىڭىز شۇنداق تىجارەت بىلەن,
كېچىلەر راھەت ئبادەت بىلەن,
سىز بىزگە سوئال, مۇئمىنە ئايال.

تالاي<مۇسۇلمان> ھىجاپسىز كېتەر,
سەبرىڭىز سىزنىڭ ئالەمگە يېتەر,
ئاللاھ ئالدىدا ھىساپتىن ئۆتەر,
شۇ ئەزىز رومال, مۇئمىنە ئايال! See More