‏رەسۇلۇللاھ ۋاپات ئەتتى، يەنە قانداق مۇسىبەت بار!...



بۇدۇنيادا ئىمان بىلەن نۇرغا چۈمگەن بىر ئۈممەت بار،
... ئول ئۈممەتنىڭ يولى كەڭدۇر، بارچىسىدا مىڭ رەھمەت بار،
ھاياتىدا خاتىر جەملىك، ۋاپاتىدا مىڭ ھېكمەت بار،
رازى بولۇپ تەقدىرىگە، بوي سۇنماققا شەرىئەت بار،
رەسۇلۇللاھ ۋاپات ئەتتى، يەنە قانداق مۇسىبەت بار!

كىمدۇر ئۆلەر، كىمدۇر نەپەس ئالماق ئىكەن ئاڭلاپ يەتتۇق،
ئۆلمەسلىككە دەۋا قىلىپ، گۈلۈستاننى مەنزىل ئەتتۇق،
ئېلىڭ مانا دۇنيا سىزگە، بىز ھەببنىڭ يېنىغا كەتتۇق،
ئەمدى بىزگە نەگۈزەللىك، ۋەنە ساكىن ھالاۋەت بار،
رەسۇلۇللاھ ۋاپات ئەتتى، يەنە قانداق مۇسىبەت بار!

غاپىل بولماي جاھالەتتە، ھەقىقەتكە تېزراق قايتىڭ،
ئەجەل كەلسە ھەرگىز دېمەس: << يا كەمبىغەل، ۋەيا بايدىڭ!>>،
ئەي تەكەببۇر ئىنسان ئەسلى تۇپراق ئىدىڭ، سېغىز لايدىڭ،
يەلكىڭىزدە قېلىپ قالغان ئۆلۈم دېگەن ئامانەت بار،
رەسۇلۇللاھ ۋاپات ئەتتى، يەنە قانداق مۇسىبەت بار!

ئاتىڭىز ھەم ئانىڭىز ھەم بىر كۈن سىزنى تاشلاپ كەتمىش،
يۈرەكلەرنى قىلىپ پارە، كۆڭۈللەرنى غەشلەپ كەتمىش،
كۆزىڭىزنى بەلكى نەملەپ، ئاخىرغىچە ياشلاپ كەتمىش،
ئەجەل كەلسە قۇتۇلۇشقا ئىنساندا نە كارامەت بار،
رەسۇلۇللاھ ۋاپات ئەتتى، يەنە قانداق مۇسىبەت بار!

بارچەمىزنىڭ قەلبىمىزدە دۇنياغا بىر مۇھەببەت بار،
مۇھەببەتتىن ھاسىل بولغان رەزىللىك بار، قاباھەت بار،
قۇلاق سېلىڭ سۆزلىرىمگە خىتابىمدا نادامەت بار،
ئايا ئۈممەت! بۇ دۇنياغا نىچۈن قاتتىق ساداقەت بار،
رەسۇلۇللاھ ۋاپات ئەتتى، يەنەقانداق مۇسىبەت بار!...
‏ See More