594w
OKYAN
(Hi No. 1359370)
قەبرەبۇ دۇنيانى تۆت كۈنلۈك دەيدۇ ،
تۆت كۈن ئۈچۈن دۇنيا يىغىسەن .
تاپتىڭمۇ يا ئۆلمەس دورىسى ،
شۇنچە چېپىپ قانداق قىلىسەن .
كەتتى ھەممە ، كىتىسەن ھامان ،
پاتتى قۇياش سەھەر چىقسىمۇ .
پىرئەۋىنمۇ كەتتى بىئەجەل ،
نەچچە يىللار ياشاپ كەتسىمۇ .
بىلىپ تۇرۇپ سەزمەي كىتىمىز ،
قەسىر سالدۇق قەۋەت - قەۋەتلەپ .
خۇشاللىق دەپ قىلدۇق ھەممىنى،
كۆڭۈل ئۈچۈن نەچچە پۇل خەجلەپ.
بۇ ھاياتنى ئۆتكۈنچى دەيدۇ ،
دەپ تۇرىمىز بىزلەر مۇساپىر .
دەپ قويۇپلا ئۇنتۇپ كىتىمىز ،
ئۆزگەرمىدى خۇيىمىز يا بىر .
ئويلىمامدۇق قايتار ماكاننى ،
مۇساپىرنىڭ مەنزىلى قەيەر .
ئەتە ئۈچۈن ئىشلەپ ھارىمىز ،
ئەستىن چىقتى قەبرە دىگەن يەر .
بىزەپ سەلدۇق ئۆيلەرنى تازا ،
ھەۋەس بىلەن قاراپ كىتىمىز .
مودا قوغلاپ مىڭبىر جاپادا ،
ھېرىپ - چارچاپ ئاران يىتىمىز .
ياسىمامدۇق قەبرىنى شۇنداق ،
ئەمەل بىلەن بىزەيلى گۈلدەك .
نا ئەمەلنىڭ قەبرىسى بەلكىم ،
غېرىپ باسقان ۋەيرانە چۆلدەك .
ئىشلىمەيلا ھوسۇل يىغامدۇق ،
ئارپا تېرىپ بۇغداي ئالامدۇق .
بۇ ھاياتنى بىرىپ ھەۋەسكە ،
قۇرۇق قولنى ئېلىپ بارامدۇق .
سوۋغا ئېلىپ ھىجىيىپ باردۇق ،
ھاجەت چۈشسە كۆڭۈل ئېلىشقا .
قەبرە ئۈچۈن ئىشلەيلى ئازراق ،
ئاخىرەتتە راھەت يېتىشقا .
